घट्यो लोडसेडिङ (तालिका सहित)

काठमाण्डौ । नेपाल विद्युत प्राधिकरणले सोमबारदेखि लागू हुने गरी लोडसेडिङको समय छ ।


सन्निकट एसएलसी परीक्षालाई ध्यानमा राख्दै लोडसेडिङको समयावधि घटाइएको प्राधिकरणले जनाएको हो । यसअघि दैनिक १३ घण्टासम्म लोडसेडिंग हुँदै आएकोमा अब सोमबारदेखि भने दैनिक १२ घण्टा मात्र लाइन जानेछ ।

प्राधिकरणका अधिकारीका अनुसार विद्युत उत्पादन भइरहेका नदीहरुमा जलस्तरको मात्रा बढेको र भारतबाट समेत विद्युत आयात भएकोले लोडसेडिङ घटाइएको बताएको छ । प्रधानमन्त्री केपी शर्मा ओलीको भारत भ्रमणको समयदेखि नै भारतबाट ८० मेगावाट बिजुली आयात हुन थालेको थियो । प्राधिकरणले भारतबाट आएको थप बिजुलीका कारण लोडसेडिङको समय दैनिक २ घण्टासम्म घटाउन सकिने बताए पनि निकै धेरै दिनपछि बल्ल १ घण्टाको दरले उर्जा कटौतिको समय घटाएको हो ।


प्राधिकरणले यसअघि हप्तामा ९१ घण्टासम्म बिजुली काटिरहेकोमा अब भने बढीमा हप्तामा ८४ घण्टा मात्र बिजुली जाने स्पष्ट पारेको छ । अधिकारीहरुले दुईहप्तापछि लोडसेडिङको नयाँ तालिका आउने र त्यसबेला उर्जा कटौतिको समय थप घट्ने दाबी गरेका छन् ।