२७ फागुन । अफगानिस्तानमा तालिवान सशस्त्र हतियारधारी विरुद्ध अफगान सैनिक र प्रहरीले संयुक्तरुपमा गरेको कारबाहीमा १४ जना तालिवान लडाकू मारिएका छन् ।
अफगान सैनिकले तालिबानका विरुद्धमा कारबाही जारी राखेको भन्दै उनीहरु मारिने क्रम नरोकिएको बताएको छ ।
यसै कारबाहीका क्रममा बिहिबार १४ जना व्यक्तिकोे मृत्यु भएको सरकारी अधिकारीले जनाएका छन् । मारिनेमा सबै तालिवान विद्रोही परेका समाचारमा उल्लेख गरिएको छ ।
सो कारबाही अफगानिस्तानको पश्चिमीप्रान्त हेरातमा बिहीबार बिहान गरिएको समचारमा जनाइएको छ । त्यस क्रममा केही सैनिक पनि घाइते भएका छन् ।
अफगानिस्तानको राष्ट्रिय प्रहरी र सैनिकले ओबे र चेस्टी सारिफ जिल्लामा गरेको कारबाहीमा कम्तीमा पनि १४ जना लडाकूको मृत्यु भएको जिल्ला प्रशासन प्रमुखले बताउनुभएको छ ।
अफगानिस्तानबाट नेटो सैनिक फिर्ता भएपछि पनि हिंसा रोकिएको छैन ।
पछिल्लो समयमा अफगान सैनिक र सर्वसाधारण नागरिकमाथि नै आक्रमणका घटनामा वृद्धि भएको बताइन्छ । रासस
No comments:
Post a Comment