चैत ६। बेलायतका राजकुमार हेनरी चाल्र्स अल्वर्ट डेभिड ‘ह्यारी’ नेपालको पाँचदिने औपचारिक भ्रमणका लागि शनिबार काठमाडौँ आइपुग्नु भएको छ ।
कतार एअरवेजको विमानबाट राजकुमार ह्यारी, बेलायतका विदेश राज्यमन्त्री ह्युगो स्वायर सहित ३० जनाको टोली काठमाडौं आइपुगेको हो ।
नेपाल र बेलायतबीच कूटनीतिक सम्बन्ध स्थापना भएको दुईसय वर्ष पुगेको अवसर पारेर बेलायतकी महारानीका प्रतिनिधिका रूपमा राजकुमार ह्यारी पहिलो पटक नेपाल भ्रमणमा आउनुभएको हो ।
राजकुमार ह्यारी काठमाडौको सोल्टीमोडमा रहेको होटल सोल्टीमा बस्नुहुनेछ ।
प्रधानमन्त्री केपी शर्मा ओली र राजकुमार ह्यारीबिच शनिबार नै शिष्टाचार भेटघाटको कार्यक्रम तय भएको प्रधानमन्त्री ओलीको निजी सचिवालयले जनाएको छ ।
राष्ट्रपति विद्यादेवी भण्डारीसँग राजकुमार ह्यारीले राष्ट्रपति कार्यालय शीतल निवासमा आइतबार शिष्टाचार भेट गर्नुहुनेछ । उहाँले आइतबार नै भूकम्पले क्षति पु¥याएका ललितपुर र भक्तपुरका सम्पदाको अवलोकन गर्ने कार्यक्रम छ ।
No comments:
Post a Comment