भारतीय नागरिक मृत भेटिए

३ चैत । नेपालगन्जको एक होटलमा मंगलबार एक भारतीय नागरिक मृत अवस्थामा भेटिएका छन् । 

नेपालगन्जस्थित धम्बोझी नजिकै रहेको होटल सम्मानमा सोमबार राति बास बसेका अन्दाजी ४५÷५० वर्षका भारतीय नागरिक जेआर सिंह मंगलबार बिहान मृत अवस्थामा भेटिएका प्रहरीले जनाएको छ । 

सिंह गनापुरस्थित एक कम्पनीका इन्जिनियर भएको जनाइएको छ । घटनाबारे थप अनुसन्धान भइरहेको प्रहरी नायब उपरीक्षक भीमकिरण बोगटीले बताए  । 

यसअघि पनि एक हप्ताअगाडि न्युरोडको कस्तुरी होटलमा बास बसेका एकजना बेलायती नागरिक मृत भेटिएका थिए । रासस