५ किलो सुन चोरी फरार सई विजयप्रताप शाहलाई सिआइबी द्वारा पक्राउ

चैत्र २ | कठमाडौं न्युरोडको रन्जना गल्लीबाट ५ किलो सुन चोरेर फरार भएका नेपाल प्रहरीका सई विजयप्रताप शाहलाई सिआइबीले पक्राउ गरेको बताएको  छ । उनलाई सघाउने ओखलढुंगाका राजेन्द्रराज गुरुङलाई पनि पक्राउ गरिएको सिआइबीका एसपी दिवेश लोहनीले जानकारी दिएका छन् ।

महानगरीय प्रहरी अपराध महाशाखामा कार्यरत प्रहरी नायव निरीक्षक शाहले  २०७१ साउन १६ गते न्युरोडबाट ५ किलो सुन चोरेर फरार  थिए। त्यसपछि फरार रहेका उनलाई प्रहरीले पक्राउ गरेको बताएको हो। शाह सुनचोरी काण्डमा सम्लग्न भएको पुष्टि भएपछि प्रहरीले पनि  उनलाई बर्खास्त गरेको थियो।